មានដែរទេលើលោកនេះ?

រយៈពេល​ ៥ឆ្នាំសិក្សានៅស្រុកយួន​ មិនដែលមានថ្ងៃណាខ្ញុំបានសប្បាយចិត្តម្តងណាទេ។ មួយគិតពីរឿងរៀន ណាមួយគិតពីរឿងបញ្ហាកន្លែងស្នាក់ផង… ចង់បែកទ្រូងស្លាប់ហើយ ពេលដែលខ្ញុំនឹកគឹតដល់រឿងនេះម្តងៗ។

មកដល់ឆ្នាំនេះគឺជាឆ្នាំចុង ក្រោយនៃការសិក្សារបស់ខ្ញុំនៅក្នុង ស្រុកយួនហើយ តែអ្វីៗវាមិនបានដូចអ្វីដែលខ្ញុំរំពឹងទុកសោះ។ ការការពារសារណារបស់ខ្ញុំបានទទួល លទ្ឋផលល្អ ក៏ប៉ុន្តែសាលាហាក់បីដូចជាមិនចង់ឲ្យខ្ញុំចេញពិសាលាសោះ។

បើនិយាយដល់រឿងនេះវិញខ្ញុំសឹងតែមិនគួរឲ្យជឿសោះថា នៅស្រុកយួនគេត្រូវបង្ខុំឲ្យសិស្សនិសិត្សដែល កំពុងសិក្សានៅឆ្នាំសិក្សាចុងក្រោយ (ឆ្នាំទី ៤ និង ទី៥) ទាំងអស់ត្រូវប្រលងមុខវិជ្ជានយោបាយ រួមមាន៖ មុខវិជ្ជាសង្គមនិយម, មុខវិជ្ជាពីបក្សគមុយនិស្តន៍, មុខវិជា្ជទស្សនៈវិជ្ជា ដែលមុខវិជ្ជាទាំងអស់ នេះវាមិនមានផលប្រយោជន៍អ្វីបន្តិចសោះ តែប្រសិនជាណាយើងប្រលងធ្លាក់ មុខវិជ្ជាណាមួយក្នុងចំណោមមុខវិជ្ជាទាំងអស់នោះ វិញ នោះយើងនឹងមិនអាចទទួលសញ្ញាប័ត្របានឡើយ ហើយយើងត្រូវតែប្រលងយ៉ាងណា ឲ្យជាប់ទើបអាចទទួលបានសញ្ញាប័ត្រដែល យើងបានខំស្វែងរកទាំងលំបាកនោះ។

ឥឡូវនេះបានដល់វេនខ្ញុំដែលត្រូវទទួលរងនូវការវេទនាដែល មិនគួរនឹងកើតមាន ហើយខ្ញុំជឿជាក់ថាអ្នកទាំងអស់គ្នា មិនដែលជួបប្រទះនូវរឿងដ៏កក្រខ្វក់បែបនេះឡើយ។ ខ្ញុំត្រូវាបានធ្លាក់មុខវិជ្ជា សង្គមនិយម​ដែលជាមុខវិជ្ជា “ដ៏ឆ្កួត” លីលាមួយ​ ហើយឥឡូវនេះខ្ញុំមិនដឹងថាតើខ្ញុំត្រូវធ្វើ អ្វីទៀតឡើយ។

ប៉ុន្តែខ្ញុំដឹងច្បាស់ក្នុងចិត្តរបស់ខ្ញុំថា ប្រសិនណាជាខ្ញុំធ្លាក់មុខវិជ្ជាដដែលនេះក្នុងលើក ទីពីរទៀង ខ្ញុំនឹងត្រលប់ទៅស្រុកខ្មែរវិញដោយមិនចាំបាច់យកសញ្ញាប័ត្រអ្វីទាំងអស់។ ខ្ញុំដឹងថាសញ្ញាប័ត្រវាមានសារៈសំខាន់ណាស់ តែខ្ញុំមិនអាចទ្រាំទ្រនិងទង្វើដែលអគតិ យ៉ាងនេះតទៅទៀតហើយ។

មិនដែលមានប្រទេសណាមួយគេធ្វើយ៉ាងនេះដាក់សិស្ស និសិត្ស របស់គេដូចជាស្រុកយួន នោះទេ។

?? តើអ្នកទាំងអស់គ្នាគិតថាវាជាការចាំបាច់ឫដែលត្រូវឲ្យសិស្ស និសិត្ស ចាំបាច់ត្រូវប្រលងមុខវិជ្ជា ដែលសូម្បីតែវាមានសារៈសំខាន់ចំពោះពួកគេនោះ??

មុខវិជ្ជាទាំងអស់នេះ តើវាមានសារៈប្រយោជន៍ចំពោះសិស្ស និសិត្សដែលមកពីប្រទេស សេរីដូចជារូបខ្ញុំដែរទេ??

វាមិនគួរឲ្យជឿសោះ!!